「暑期關顧計劃2018」現已接受第一輪申請(4月3至16日)!

「暑期關顧計劃2018」第一輪申請已經開始(4月3至16日)!想喺網上優先報名日(即4月27至30日)期間以六折報名,又合符資格嘅你,記得喺4月16號或之前親臨所屬青年空間申請!

為照顧弱勢青少年成長需要同善用暑期,青年空間將於今年暑期活動繼續推行暑期關顧計劃,讓有需要嘅青少年以六折收費的優惠參與暑期活動。

如果你有領取綜援或書簿津貼全免,又喺6至24歲嘅青協會員,可於4月3日起,帶同身份證明文件、綜援文件/書津證明同青協會員證,親臨所屬青年空間填妥申請表申請。

但如果你想喺網上優先報名日(即4月27至30日)期間以優惠收費報名,必須喺第一輪申請(4月3至16日)期間提交申請,申請結果會喺4月20日公佈,之後就可前往所屬單位領取確認信。

但要留意番,參加指定青年空間搞嘅活動先會有優惠收費,更多詳情同內容可以嚟青年空間問問我哋嘅同事或者Click下面嘅按鈕連結去了解更多!

註:香港青年協會保留是次暑期關顧計劃的所有最终決定權利

 

立即捐款 支持青協

 

 

我想立即捐贈

支持青協